Tuesday, January 21, 2020
Aktualitete

Këngëtarja kosovare ofron shtëpinë për dy familje nga Shqipëria

Këngëtarja Rina Balaj ka treguar se familja e saj është e gatshme të ofrojë shtëpinë për të strehuar shqiptarët e prekur nga tërmeti.

Ajo i takon një prej gjeneratave më të reja të artisteve në estradë, por që pëlqehet mjaft shumë nga publiku për zërin e saj.

Fjala është për këngëtaren Rina Balaj, e cila aktualisht është vetëm 20-vjeçe, por në kohën kur lindi ishte pikërisht lufta në Kosovë dhe për këtë i gjithë vendi ynë ishte strehuar në Shqipëri.

Loading...

Ndërsa tani, pas kaq shumë vitesh kur populli shqiptar përjetoi një tragjedi tejet të madhe, familja e Rinës ka vendosur që të ofrojë strehim për dy familje në Istog.

Në njoftimin e këngëtares të publikuar në InstaStory, thuhet se familja e saj është e gatshme t’i mirëpret dy familje të prekura nga tërmetet.

Pos Rinës, strehim për banorët e Thumanës dhe Durrësit kanë ofruar edhe artistë të tjerë si: Genc Prelvukaj, Ledri Vula, Capital T etj.

Operacionet e kërkim-shpëtimit janë duke vazhduar për nxjerrjen e personave të gjendur nën rrënoja, si pasojë e tërmetit që goditi vendin orët e para të ditës së djeshme.

Loading...