Lajme

Lajmi i fundit: Isa Mustafa i thotë PO qeverisë Kurti

Kryetari i Lidhjes Demokratike të Kosovës Isa Mustafa ka deklaruar që partia e tij është e gatshme të bashkëpunoj me Lëvizjen Vetëvendosje.

Mustafa këtë lajm e ka dhënë në rrjetin e tij social Facebook, raporton AlbanienShow

Ky është postimi i tij.

Qytetarë të nderuar
Në zgjedhjet e 6 tetorit LDK mori përkrahje të gjerë nga qytetarët tanë. Qytetarët ndëshkuan ata që qeverisën keq.
Në një garë tepër të ngushtë, 50:50, fituesi, LDK apo VV, do të dihet përfundimisht pasi të përfundon numërimi i plotë i të gjitha votave.
Këto ditë, së bashku me kandidaten tonë për kryeministre, znj. Vjosa Osmani, do të takohemi me Kryetarin e Lëvizjes Vetëvendosje, z. Kurti për të vlerësuar procesin zgjedhor dhe mundësitë e bashkëqeverisjes. Do të vazhdojmë aty ku e kemi lënë para fillimit të procesit zgjedhor, duke respektuar vullnetin e qytetarëve të shprehur me votë të lirë në një proces demokratik zgjedhor por edhe interesin e LDK-së. IM